logo_a_bdiario recibimos informacións de acontecementos graves que nos impactan: guerras, fame, escravitude, paro, violencia, exclusión… que provocan o éxodo de millóns de persoas.
Seres humanos que fuxen da dor, o sufrimento e a morte, buscando refuxio.
Somos moitas as persoas que queremos actuar pero non sempre sabemos como.
Con esta intención nace Acampa

Acampa

MANIFESTO: NON TEÑEN ROSTRO NIN CONCIENCIA

Vivimos nun mundo e nun tempo en que cada día nos falan de globalización, como eufemismo dun modelo económico extremadamente agresivo. Pouco e pouco, unha minoría silenciosa e poderosa foise facendo co control da economía, a tecnoloxía, a investigación e dereitos tan vitais como a saúde, a educación, o territorio, a enerxía e a auga. Son as grandes corporacións transnacionais, amparadas por gobernos amigos e o control case absoluto da información.

Non teñen rostro nin conciencia, e non permiten que os organismos internacionais actúen para impedir o sufrimento da maior parte da humanidade. Non perden o sono se o planeta arde ou seca, se se deseñan guerras para acaparar recursos, se se asasina xente inocente ou millóns de persoas teñen que fuxir da súa casa e da súa terra.

A razón explicouna moi ben Rodrigo Rato, o que foi director xerente do Fondo Monetario Internacional e vicepresidente do Goberno español con José M.ª Aznar: «é o mercado, amigo».

Como facer fronte a unha estrutura tan ben construída? Que podemos facer a maioría da humanidade para recuperar o control do planeta e das nosas vidas? Só unha cousa: sumar forzas e actuar. Tomarmos conciencia da nosa capacidade colectiva e sermos quen de dicir «basta!».

Acampa pola paz e o dereito a refuxio naceu para traballar nesta dirección: a unidade de acción de organizacións e cidadanía fronte ao desamparo en que os Estados actuais deixan a familias que solicitan un dereito elemental, o dereito a refuxio. Persoas que escapan das consecuencias das políticas agresivas e inhumanas de grandes corporacións.

Polo noso propio interese, debemos responder solidariamente e esixir que se respecten os dereitos humanos en todo o planeta. Se permitimos que se violen os dereitos dos que chaman á nosa porta, o paso seguinte será perder os nosos, como xa está sucedendo.

Neste segundo ano de vida de Acampa pola paz e o dereito a refuxio, queremos afondar nunha cuestión grave, urxente e non recoñecida por ningún Goberno: o dereito a refuxio por cambio climático.

Segundo os informes da ONU, nos próximos trinta anos o número de persoas que van necesitar refuxio por cambio climático pode oscilar entre 250 e 1000 millóns. A maioría serán desprazados no seu propio territorio e uns poucos, os que teñan máis recursos, poderán intentar cambiar de país.

Podemos pechar os ollos ou tomar a iniciativa; podemos facelo agora ou esperar un tempo que pode ser irreversible. Velaí a decisión persoal e colectiva.

A gran maioría de organizacións e persoas que conforman a Rede Acampa actúan día a día sobre o terreo e saben moi ben do que estamos a falar. Con iniciativas como Acampa pola paz e o dereito a refuxio estamos poñendo o noso gran de area, tratando de contrastar a información, buscando e propoñendo alternativas, estamos sumando forzas.

Para darmos o seguinte paso, necesitamos de todas as mans e conciencias.

Acampa 2018

logo_acampa-t_rj
É unha iniciativa cidadá sen fins de lucro integrada por colectivos sociais, culturais, educativos, veciñais, políticos, sindicais, artísticos, de persoas solidarias, de institucións e empresas con responsabilidade social.

logo_acampa-t_rj
Ten como obxectivo a defensa dos dereitos humanos, o Dereito Internacional Humanitario e o Dereito a Refuxio.
Promove a participación e a implicación.

logo_acampa-t_rj
Abre un espazo de encontro para buscar respostas colectivamente.
Profundiza nas causas dos acontecementos, para contrastar a información.

Acampa é un movemento que pretende crear una rede de información, de intercambio de ideas e iniciativas na que participan preto de 60 organizacións, fundamentalmente ONGs; tamén hai sindicatos, partidos e moitas persoas que pensan que a unidade e o traballo conxunto son necesarios para transformar as cousas que non nos gustan.
Podemos participar como expresión de compromiso coa paz e o dereito ao refuxio.

Acampa 2017

A Coruña, do 15 ao 18 de xuño de 2017

Acampa 2018

A Coruña, do 14 ao 16 de xuño de 2018

Vindeiros eventos

11 Decembro, 2018
  • Semana sen Fronteiras

    11 Decembro, 2018 | 20:00 - 22:00
    Casino de Carballo - Rúa Vázquez de Parga, 1, 15100 Carballo, A Coruña - Ver en mapa

    Día 2 - Fronteiras: Sáhara, Siria, Balcáns, Líbano

    • ONG “Aire” – Sáhara e Grecia
    • ONG “Acción Norte”  Balcáns e Grecia
    • ONG “Pallasos en Rebeldía” ó arredor do mundo
    • ONG “Sos Racismo” externalización das fronteiras
    • Vídeos e experiencias
    • Mesa faladoiro

12 Decembro, 2018
  • Semana sen Fronteiras

    12 Decembro, 2018 | 20:00 - 22:00
    Casino de Carballo - Rúa Vázquez de Parga, 1, 15100 Carballo, A Coruña - Ver en mapa

    Día 3 - España

    • “RefuCoruña”: A acollida
    • “Acampa”: A rede
    • “Ecos do Sur”: Odio na rede
    • “Entreculturas”: Traballar en varios continentes
    • Mesa faladoiro

    13 Decembro, 2018
    • Semana sen Fronteiras

      13 Decembro, 2018 | 20:00 - 22:00
      Casino de Carballo - Rúa Vázquez de Parga, 1, 15100 Carballo, A Coruña - Ver en mapa

      Día 4 - Arte comprometida

      • Presentación do libro “Stop” de Elerre co escritor e editora
      • Ilustracións en directo con Bruno e Laura Tova
      • Premio escolar – canción denuncia en apoio ás persoas refuxiadas
      • De libros e obras
      • Mesa faladoiro

      14 Decembro, 2018
      • Semana sen Fronteiras

        14 Decembro, 2018 | 20:00 - 22:00
        Casino de Carballo - Rúa Vázquez de Parga, 1, 15100 Carballo, A Coruña - Ver en mapa

        Día 5 - Os Rohingyas: Apátridas, o maior campo de persoas refuxiadas do mundo

        • Entrega de premios do concurso de micro-relatos “Contos sen fronteiras”
        • Médicos sen Fronteiras
        • Mesa faladoiro

        logo_acampa-t_b

        É un encontro cidadán activo no que contamos coa participación das persoas protagonistas, das vítimas, ONGs, de xornalistas; proxeccións, fotografía, música, teatro, pallasos…, eventos artísticos de todo tipo.
        Tamén visitas guiadas para saber como é un campo de persoas refuxiadas, para entender mellor as verdadeiras causas da guerra.

        Quen pode participar?

        Acampa facilita a participación cidadá, cada persoa achega a súa enerxía, a súa capacidade e a súa opinión xunto con: ONGs, asociacións, organizacións políticas, sindicatos, institucións, grupos informais, empresas con responsabilidade social, colectivos profesionais, etc.

        Como podes participar activamente?

        Facendo música, teatro, fotografía, cine, humor, poesía… se tes algunha habilidade coa que queras participar ou se tes algunha idea que propoñer,

        NON O DUBIDES, APÚNTATE!

        Podes colaborar cunha axuda económica, que será empregada para apoiar os intereses e necesidades das persoas refuxiadas, na conta

        ES46 1491 0001 2530 0007 7549